عوض بص لها بزهول وقال… ايه
فاطمه قالت بسرعه… زي ما بقول لك …لولا ان عمي جاب لها الدكتور كان زمانها مــ,,ـاتت…والحمد لله طلعت الاصــ,,ـابه في الكتف ومن وقت حابسها في الاوضه..والصبح برده الدكتور كان عندها
عوض قال بزهول…اوعي يا بت تكوني بتضحكي عليا

فاطمه قالت بخبث. اضحك عليك ليه ما انا لو هي عملت كده كان زمان زعلانه منها زيي زيك
عوض قال بسرعه …طب والعمل هنعمل ايه
فاطمه قالت…. ما انا جايه لك عشان هنعمل ايه ….وعندي ليك الحل

عند مهران كان بيشرب سيجاره على السرير وهي نايمه في حضـ,,ـنه بكسوف شديد وملفوفه في الملايه مش مبينه منها اي حاجه
مهران ضحك بخفه على شكلها وبقى يحاول يكشف وشها بس كانت تسحب الغطاء عليها تاني ضحك وقال…. هتفضلي ملفوفه كيف صباع المحشي كده لامتى

الأكثر قراءة الان

عندما يعشــ,,ـــــق الاسد الاولمنذ شهرراضي بالسهر زهرة الربيعمنذ شهرجنة الجبلمنذ شهر

زينه ردت من تحت الغطاء وقالت …سيبني دلوك ما تتكلمش واصل عشان انا قلت لك ما عايزاش دلوك
مهران ضحك جامد وسحب الغطا من على وشها وشدها لحضـ,,ـنه بقوه وقال …..عسل يا بت سيبك انتي ..الحلال يستاهل المال
زينه قالت بكسوف شديد…. انا ما عارفاش كيف حصل كده انا

مهران حط ايد على شفايفها برقه وقال ….انتي اجمل حاجه حصلتلي… اختيار ربنا غير اختيار البشر بمراحل انتي زينه بحق زينة الضواحي كلها
زينه ابتسمت بكسوف ووقفت وهي لافه الملايه عليها وقالت هدخل استحمى
مسك ايدها وقال…جاي معاكي
زينه قالت بسرعه… لا تاجي فين يا قليل الحيا

مهران رفع حاجبو بدهشه وبصلها بغيظ وقال…انا اللي قليل الحيا ولا انتي اللي متربتيش…فيه ايه يا بت يعني هو الاستحمام هيكون اكثر من اللي حصل من شويه
زينه دفعت ايده وقالت وهي بتجري على الحمام ..لا بردو ما لكش صالح بيا

مهران ضحك جامد وقال بصوت عالي قاصد يسمعها …معلش مسيرنا ناخد وندي…. وأليفك بيدي
زينه ضحكت بكسوف وقفلت باب الحمام واتكأت عليه وهي مبسوطه جدا ومش مصدقه السعاده اللي بقت فيها وحلم حياتها اللي اتحقق
بعد شويه كان استحمى هو كمان ولبسه ونزلوا تحت وهو ماسك ايدها قدام الكل

فاطمه بصتلهم بغيظ شديد وقالت ..يا صباحيه مباركه يا عرسان
زينه نزلت راسها بكسوف وارتباك
انما مهران قال بسرعه…. الله يبارك فيكي يا بت العم عقبالك
فاطمه بصتلو بغيظ شديد ولسه هتتكلم امها مسكت ايدها بتمنعها

مهران باس زينه من خدها وقال…روحي اقعدي في الصاله ارتاحي هناك ما تتعبيش نفسك ولا تعملي حاجه علشان ذراعك وبص لفاطمه بضيق وقال….الله يجازي اللي كان السبب… انا معايا كلمتين مع اختك هخلصهم واجيكي على طول
بقلم…زهرة الربيع
زينه هزت راسها بالموافقه ومشيت وهي متضايقه انهم هيتكلموا سوا

فاطمه راحت وراه بغضــ,,ـب وقالت ….عايز اختها في ايه بعد اللي عملته

مهران ابتسم بسخريه وقال…. عايزها علشان اللي عملته شوفي يا فاطمه ..انا وانتي اكثر اثنين عارفين اني ما طايقكش واني كنت هكتب كتابي عليكي علشان انت عايزه كده ..وعلشان انا عاوز واحده اسيبها في البيت وتبقى مرتي قدام الخلق مش اكثر …وانتي كنتي راضيه بالوضع ده